صمت القبور بقلم صبري رسلان

 صمت القبور (371)

................

عايشه بأمل أنده عليكي

أسمع تعالي .. 

وأجري في حضنك للدفا

وأشكيكي حالي ..

أنسى الدموع فايته الوجع ويا دوب ثواني 

أصحى ده حلم  

أرجع سنين

لا هشوفه تاني ..

أرجع لصمت قبور ولشوق لقاه المحظور

لملمت حالي كسور 

تايهه فى مكاني  ..

طال بيا حزن ونوح 

ودموع بتكوي جروح  

تسمع ألمها تبوح

ضاع مني غالي 

لا الأه ترد لي روح

والقلب بات مشروخ

طيف ذكرى تيجي تروح

تصعب لحالي ..

أصرخ بعلو الصوت 

ليه حرمني منها الموت

محتاجه أقول وأبكي

أشكي الهموم  وأحكي

زى ما كونا زمان وتطبطبي تحني ..

يا أمايا أه يا أمه 

طيرك جناحه كسور 

هد الفراق سني .. 

جوايا أه مرتاح على قبرك أما أبكي ..

والدمعه ليها زمان 

بحايلها يوم ما أشكي

محروم وحس  حنان

بين صمت قبر  أمان

و ملاذ وفيه راحتي  

بقلم .. صبري رسلان