الشاعر رضا البوشي
(ملحمة اكتوبر)
١-النكسه
الحلم راح وانكسر فوق فجرنا المكسور
جوه العيون اختفى حتى شعاع النور
كل الهموم فوق الشط مرميه
شابت رجولي واختفت حيطان السور
الضحكه تاهت ورا الشمس العغيه
الطير بيعافر يسافر لكين الجناح مكسور
جوه المرايات كل الوشوش وقعت
وف المتاهات كلنا واقفين
في نفس التابور
٢-ساعه الصفر
في عز الضهر ف اكتوبر
وساعه الصفر كانت اتنين
وكان احمد وأخوه مينا
بيقرو في سرهم ياسين
ونام الموت على كتافهم
وف قلوبهم صلاح الدين
نسور عالجبهه رسمو الحلم
ولون الفجر بيصبح على الملايين
بأيدينا جبال الخوف كسرناها
ف غمضه عين
ولا بارليف يوقف ضحكه العصافير
كلمه َمصر اكتر كلمه مقريه
في الجرانين
٣-المعركه
فتحت ايديها المدافع
والسما بقى فيها ميت لون
والطيارات والمواجع
صواريخ تهز الكون
طلقات بارود زي المطر
تجن العاقل وتعقل المجنون
ودقت طبول المعركه
بتعلن ميلاد وطن بيعزف
أجمل ملحمه
وف اول ضربه جويه
رقص الحمام فوق السنابل
وف كل طلقه رصاص
يشرق حلمنا المكبوت
وف كل ضربه مدافع
يشهد علي العدو الموت
ام الضفاير البنت الشقيه
عينيها باردو نطت بحر المواجع
والفجر العجوز راجع تاني يبتسم
فوق عتمه الشوارع
وضحكت مصر وغنت ع السمسميه
ورجع الفرح تاني فوق قصرنا المهدوم
رسمنا الحلم لبكره اللي كان نايم وشبعان نوم
شمينا عطرا الشهدا زي المسك ف الرمله
رجع الدفا تاني ونام جوه البيوت
والكون على حسه يتدفي
يمكن تتوه عن الاماكن
وتتوه عن كل البشر
لكن ف قلبك لسه ساكن
حتى الوريد وقطتي
راضعين سوا حب الوطن
٤-رساله الي اخر جندي اسرائيلي غادر ارض الوطن
عامل ايه دلوقتي ياجون
البقيه في حياتك
على بوابات الرحيل
قوم لم خلقاتك
لا دي ارضك ولاده زرعك
ولا حتى دول ناسك
تحت البياده اخرتك
العالم أعلن مماتك
مصر الحواري الكتيره
حيطانها لا بتنهد
وف الحروب الفراعنه
زي الأسود بجد
احنا الملوك واحنا الجيوش
من اسمنا تترعب كل الوحوش
من عهد مينا لحد وقتنا المعلوم
وكل وش بيتقتل بيتولد ملايين وشوش
٥-رساله الي اول جندي رفع العلم
ارفع رايات النصر فوق أرضها
وأعلن نهايه الظلم والعدوان
واعد ذكر مصر لسابق عهدها
وافتح لمصر وشعبها كل الجنان
لا صوت يعلو فوق صوتها
مصر التي تبسمت قبل الزمان
اني أراها في الأماكن كلها
مليكه على رأسها كل التيجان
سار المسيح يوما على أرضها
وتسابقت الي حضنها الاديان
من لم يرى مصرا وعاش بارضها
كم تجرع في يومه الهوان
ليست هناك تعليقات:
إرسال تعليق