( الوصيه )
وصيتى انا يوم ماموت
أندفن هنا وسط ناسى
هما دول أهلى وأساسى
مهما شفت كتير مابينهم
مهما عشت كتير مأسى
وصيتى أنا يوم ماموت
إبنى هنا بينكم أمانه
بلاش إهانه بلاش ملامه
عشمى تبقى بلدى دايما
فيها ناس للذوق علامه
وصيتى أنا يوم ماموت
إن يبقى مافيش صريخ
ودا رجاء من كل شيخ
واللى يبكى بلاش دموعه
دعوه أفضل من رجوعه
وصيتى أنا يوم أموت
رجعو كل اللى نافقو
رجعو كل اللى خانو
واللى عاشو معانا دايما
وفى النهايه بحقد بانو
وصيتى أنا يوم ماموت
إسألو فين الوصيه
شوفو إيه ليه وعليا
وإسألو إبنى وزوجتى
لو فيوم فيه دين عليا
وصيتى أنا يوم ماموت
أجبرو بخاطرى فى دعاكم
وأنشرو بينكم سلام
عادى بكره أكيد هتنسو
وكل شئ هيكون تمام
وصيتى أنا يوم ماموت
تحياتى/
مدحت لطفى عبدالعال
كفررماح - منوف - المنوفيه
ليست هناك تعليقات:
إرسال تعليق