قصيده بعنوان
(مش مصدق؟؟!!)
لما تقولى إنى
بحبك مش
مصدق ماهو
من خلال
تصرفاتك
أقدر أفهم
وأقدر أعرف
وأقدر أميز
وأقدر أفرق
وأقدر أدقق
إنت آخر حاجه
أقدر أتصورها
إنى فى قلبك
أنا مش
محام بمرافعه
فى محكمه
أو محقق
الحب
حاجه تنعشك
حاجه تفرفشك
حاجه تروى
ظمأك مش
تنشف ريقك
تعطشك
واحده تسمعك
مش صوتها
عالى تطرشك
الحب ورده بعطرها
تشمها تريحك
تنسيك همومك
تمسح دموعك
مش تصرخ فى
ودنك تدوشك
أنا مش مصدق
لو فى دليل
على الصدق
قولى ألف مره
بعت ليك
عربون محبه
مع رسولى
كان ردك
إيه مع السلامه
وسلم عليه
وكأن واحد
من الجيران
أو عابر طريق
وكان كلامك
جوا خطاب
تفتكرى كان
مكتوب لى
فيه إنى بحبك
إنك حياتى
إنك عمرى إل
عيشاها فى
دنيتى ولبعد
مماتى وكلام
كتير المفروض
فى الحب عنه
تقوليه
مش تغيرى
الموجه
تماما فى
القناه وتحوليه
إحنا عاوزين
فلوس ممعناش
خلصت فلوسنا
إل بعتها
خلصت عشان
دروس ولادك
كل حاجه مكتوب
ليك فى الخطاب
مع حبة هموم
شيلاها مش
قاعده عواله
ليك ببلاش
هو ده الحب
من وجة نظرك
ملعون أبوه
إل كتب الشعر
فيه أو خط
حرف من حروفه
أو كلام تتصوريه
أنا مش مصدق
1/10/2010
ترنيمات وخواطر.بقلم)
خيرى حسنى..............)
ليست هناك تعليقات:
إرسال تعليق