قصيدة لشرح سورة النساء
ــــــــــــــــــــــ
من سور القرآن
سورة باسم النساء
بيبين فيها المولي
أحكام للأتقياء
بدأ المولي فيها
بالود والنداء
وازاي بدأ خلقنا
واننا كلنا
من نفس واحده
خلقنا ربنا
ومن آدم خلق حواء
ومنهم كان نسلنا
وضع فيها أحكام
وأوامر ونظام
تنظم المجتمع
في التعامل فيما بينهم
لايظلموك ولا تظلمهم
وحفظ الحقوق للمرأه
في المال والنسب
وتقضي علي الجهل
اللي ياما منه تعب
مجتمعات وأمم
القوي فيها للضعيف اغتصب
وضح فيها الرحمن
احكام النساء بإتقان
وإن العدل مطلوب
وف المعامله مرغوب
لو جمعت بين اتنين
وأصبحو ليك زوجتين
إعدل بينهم ياراجل
ياإما تكتفي بواحده
وبلاش فراغة عين
ووضح كمان ازاي
بدأ بنشأ الخلق
من ذكر وأنثي
من كل جنس ولون
وعمر بيهم الكون
ووصي علي الأرحام
وأنه رقيب علام
يعلم كل الغيب
ولا يخفي عليه شيئ
ويجازي عليه تمام
ووصانا علي الأيتام
وخاصه الصغار منهم
إناث أو ذكران
نراعيهم ونصونهم
في المال وفي الأعراض
لانظلم ولا نهينهم
وإن بلغو رشدهم
لحقوقهم نملكهم
وحذرنا من الطمع
أو إننا نزوجهم
بغير رغبه منهم
أو نسئ معاملتهم
قانون رباني منشور
في كتاب آياته نور
وأحكامه دستور
إوعي تحيد عنها
ومهر النساء شرع
وربك حدده ووضع
داحق ربك فرضو
ممنوع فيه الطمع
وحدد كمان قانون
إن اللي يتولي أمورهم
يحافظ عليها ويصون
ويراعي المولي فيهم
ويكون ليهم حنون
ولما تتأكدو
إنهم قادرين
يصونو أموالهم
اعطوهم ولا تخافو
وبالهدي ادعولهم
واكتفو باللي
ربنا بيه رزقكم
ماتطمعوش فيهم
دا ربنا رقيبكم
دي توضيح السوره
وملخص أحكامها
ياريت نراعيها
ونعمل باللي فيها
وننول رضا ربنا
لاناكل حقوق الناس
ولا نفرط في حقنا
بحق آيات الله
نراعي ربنا
_____________
Ghazala Attia غزالة عطيه
ليست هناك تعليقات:
إرسال تعليق