نفسي أفرح
بقلم مصطفى سبته
عايشين بنشحت فرح
ضحكة لوجه الله
كل اللى فينا وجع
من كتر قولة آه
يا قلوب كسيها الفزع
من جوعها يا ولداه
وقلوب مليها الجشع
وفى الجيوب ملهاه
وابن الأصول والجدع
حلم ما نلقاه
نصرخ بصوت ياتسمع
يا الهموم خنقاه
ننام ونصحى فى وجع
يومنا الهموم قتلاه
كان نفسى الاقى جلع
وسط القلوب مالقاه
وياريت الاقى الجدع
اللى الأصول رسماه
باديه يطيب الوجع
ومن لمسة يمحى الاه
وقول لقيت الجدع
وفى القليب مرساه
والضحكة أجمل شيء
م العبوس رغم الهموم
رغم الحب رغم الحياة
وياالوحوش رغم
المواجع الضحكة
احسن فى الوشوش
بتدارى ياما. كتير
شروخ تضحك فيه
وش الناس اكيدالناس
بتنسى انك عنيد وياه
ويحسدوك انك بتضحك
رغم كل اوجاعك بتضحك
ودا اللى باين للوشوش
اضحك لانك لسه بتدارى
و غيرك لسه بيعانى
ضعف فى النفوس
اضحك ودارى دمعتك
معدش حد هيرحمك
ولا حتى يرحم دموع
عينيك ميخليهمش
مينزلوش ومينزلوش
ليست هناك تعليقات:
إرسال تعليق