أغنية
(سنة حلوة)
سنة حلوة . عليك ياجميل
ياغنوة قلبي. ياورد النيل
سنة حلوة ياوشوش صافية
ياقلوب حية بدقات دافية
ربنا يعطينا. ويديك العافية
وندوق الحب في سهرة ميل
عدت سنة أخدت من صدري
دقات عمري وصوتي الفردي
وجات سنة . تفرحنا وتدي
هدايا وحكاية ورمش كحيل
سنة حلوة . عليك ياجميل
تعالى معايا إيدي في إيدك
أمان دنيايا معادي وعيدك
أتمنى . رب الحب يزيدك
ويعيش قلبك . حر / أصيل
سنة حلوة . عليك ياجميل
شفت الدنيا. ليالي سعيدة
مليت الدنيا أحلام وجديدة
إديتك قلبي . مع التنهيدة
ورسايل حب بعنيك / الليل
سنة حلوة . عليك ياجميل
ياغنوة قلبي . ياورد النيل
(سنة حلوة 2022)
وكل عام وأنتم بخير
وأنتم الخير لكل عاام
كلمات
حربي علي
شاعرالسويس
ليست هناك تعليقات:
إرسال تعليق