لوين
لبّس الجبل عباية الثلج
.والشمس ذهبّت ثلجاته .
..وانت فلّيتي
فلّيتي من اللون من السما
من كفاف البرد من حديث الورد
بالوما
فلّيتي مع اسراب الغيم .مثل غمامة
مثل شي مجهول اجى ع غفلة
وفل مع العتمة
وهيي .. وهي بقيت
.بقيت مثل الفرح لملون ايامي
مثل شجرة السنديان
مغروسة بارضي
تتحدى سنين وما توقف
على حدود الزمان
مثل الوفا ع كتف الوعد
مثل لحساسين
بكل فصول بكل شهور
بنيسان بتشرين بكوانين
بقيّت الضحكة بوقت الشدة
بقيّت النغمة بايام الحزن
بطلّت القمر بخيوط الشمس
قبل السهر
بصوت الفلاحين
بذكريات الجبل
بقيّت الموال ببرج الحمل...
وانت فليتي
ع بكير من دون صلا
قبل السحر
لوين فليتي وتركت وردات الدار
كنت عاملك من زهر اللوز مشلح
ومن زهرة الياسمينة
على خصرك زنار
لوين رحت اجى الشتي قاسي
وانت بتحب المطر
من خلف شبابيك من أبواب العمر
من شو خايفة
من شو خايفة... ؟من الثلج....
الثلج بيروح بنسيان
وترجع تنبت على خدود
شقائق النعمان
لوين على ذاكرة
النسيان.... ؟
بعد بكير.....
كنت
خليكي بعد مثل الاذان بالذاكرة
الايمان
مثل القساوة بحجر صوان
خليكي عم بتلوني المدى
والشفق ياخذ منك لونو
وبحضورك
تحنّي دروب العرسان
خليكي مثل البسملي
كل ما تطلي يختفي الجان
خليكي بعد
فلو نواطير الليل
والقمر على سطيحة
سهران
ريحة بن وهيل
وموقدة ونار
فراشات تطير حول القنديل
وكيف ما برمتي القمر بيميل
لوين فليت
ارجعي انت... مثل ما كنت
انا على سطيحة ناطرك والوقت
ما بينطر حدا
خلي لصوتك بذاكرتك الصخر
صدا
خلي خضورك معركة
ما بيعرف ايمتها الا الفرسان
بحضورك النصر بلون تلويني
وبغيابك انا خسران
لوين .......
بقلم مرهج نجم
ليست هناك تعليقات:
إرسال تعليق