يوم وفاتك
قلمي ورسمي ...هبة الله يوسف محمود سند
يوم وفاتك
أخدت ضحكي
أخدت فرحي
أخدت كل ذكرياتي
سِبْت لي حزني وسكاتي
سِبْت جرح كبير في قلبي
جرح ينزف لي يوماتي
لما بفتكر ملامحك
كإن نار في الروح تفور
كإن بركان نار في قلبي
قرر في لحظه إنه يثور
لما بتخيل كلامك
قلبي يرج جسمي رج
تنتفض جوايا صرخة
تفيض بقلبي ،،،، تقول يارب
سكن الجرح وآلامه
هدي حزني
وهدي شوقي
حزني قام جوايا حرب
أملك إيه من حزني
غير ،،،،،
ذكره حلوه تقول ده أب
كان لي أب
أحن أب
أحلى ضحكه
و أحلى صوت
هو فعلا يوم ما قالوا
عليه بإن الأب رب
**********
يوم وفاتك
كل أبواب قلبي قفلت
كل أفراح عمري خلصت
حتى سنين حياتي جريت
كأني شيخت ولسه شاب
*********
يوم وفاتك
كل حياتي في عيني ثارت
حتى قوايا في جسمي خارت
ثقتي في كل محيطي راحت
حتى قلبي لسه حالف
يقفل كل باب في بعدك
ويكتفي بدور المشاهد
**********
قالوا إن بعد الأب
لا يكفي حد
ولا في عز موج مشاكلِك هيسد سد
ولا هيسند ضهري حد
بعدك إنتَ
يا أغلى أب .. و أحن أب
قفلت كل باب في قلبي
و سايبه أخر باب في روحي
لأغلى قلب
لأغلى ناس بترد روحي
أمي ضي عيوني هي
و إبني بدعي يكون عطيه
وسند و ضهر لأخته وليا
وبنتي وردة عمري كله
دول من الله العوض
وعندي بكل الكون بجد
و أجمل هدية
{ اللهم ارحم موتانا واشفي مرضانا وتوفنا مسلمين }
رَبّــيٌ يرحمك وينور قبرك ويجمعنا بيك اللهم اااامين
ليست هناك تعليقات:
إرسال تعليق