أيوة يا سعادة البيه
أسد الشعر العربي ( جمال الشرقاوي )
أغنية \ أيوة يا سعادة البيه \
من قصائد : شاعر الأغنية العربية \ جمال الشرقاوي \
أيوة يا سعادة البيه
م تقولِّلي عايز إيه
بتحب قلبي انا
أنا طب قولِّلي ليه
أيوة يا سعادة البيه
طول عمري و انا مسكينة
يا عيوني مهما مشينا
الدنيا لينا بعيدة
مفيش منها فـــ إيدينا
غير حلم حلمنا بيه
أيوة يا سعادة البيه
الدنيا و لابسة زينة
و احنا يـــ دوب شايفين
نتفرَّج من بعيد
ع اللي إيديهم طايلين
و الدمع غرقنا فيه
أيوة يا سعادة البيه
هلاقيها منين و منين
فـــ دنيا زيِّ دي
بتقولِّلي اشتقت لي
إزاي يا سَيِّدِي
الحب حَكُولي عليه
أيوة يا سعادة البيه
أيوة يا سعادة البيه
م تقولِّلي عايز إيه
بتحب قلبي انا
أنا طب قولِّلي ليه
أيوة يا سعادة البيه
غلبانة مليش تمن
تعبت انا فـــ الزمن
لو عندَك كلمة حلوة
قولها انا مش سَكَنْ
غَرَضَكْ إيه بتداريه
أيوة يا سعادة البيه
محتاجة و مش هبيع
كرامتي فـــ الطريق
ألله يعوَّض عليـَّه
فـــ الجنة مفيش حريق
و جرح قلبي ادوايه
أيوة يا سعادة البيه
أيوة يا سعادة البيه
م تقولِّلي عايز إيه
بتحب قلبي انا
أنا طب قولِّلي ليه
أيوة يا سعادة البيه
القاهرة \ ديسمبر \ الإثنين 13 \ 12 \ 2021 م
الساعة 2 ظهراً \ أسد الشعر العربي ( جمال الشرقاوي ) كاتب و شاعر و باحث \
ليست هناك تعليقات:
إرسال تعليق