سأعتزل عالمكم و أبعد بقلم علوي القاضي

 سأعتزل عالمكم وأبعد : 

. لأن طبعكم مش طبعى والطبع عمره ما بيتغير  وإللي مالوش أصل ولا كبير هيصغرنى قدام نفسى قبل الناس

. لأن الكذاب والخاين عمره ما هيكون مخلص والإخلاص فعل خفى لا رقيب عليه الا الضمير

. عن اى حد هونت عليه ولو لمرة واحدة هاهون عليه الف مرة 

. عن الناس القاسية  اللي مالهمش عزيز ولا غالى 

. عن اللى إختار صاحب غيرى وفضل مصلحته على 

. عن اى حد أنانى مش شايف غير نفسه 

. عن الناس اللى شايفه نفسها ما بتغلطش

. عن حد حاولت أقرب لة وأطيب  بخاطره وكسر بخاطرى

. عن اللى حاولت  أقربله خطوة وهو فضل مكانه

. عن أى حد ما فهمش إنى سامحته مره واتنين عشان معزته عندى وهو فاكر نفسه أذكى منى

. عن أى حد عارف إيه ممكن يوجعنى ويدوس على الوجع

. عن كل واحد شايف غلطته هينه أو مش شايفها أصلا

. عن أى حد إحتاجته فى شدتى وعمرى ما لاقيته

. عن الناس اللى فى وجودها بحس إنى وحيد

. عن اللى صغرنى فى يوم من الأيام 

. عن اللى ينسي فعله ومالوش كبير يوجهه

. لما إحساسى يتغير

. لما مالاقيش اللى يحس بي ويفهمنى

. أبعد وبس مش هبصش ورائى تانى  

. صدقوني اللى هيخسرنى مش هيعوضنى تانى

. لما ما أحسش بالأمان وتنعدم الثقة

. لما ملاقيش المحبة

. لأنى أستاهل الأحسن أستاهل حد يعرف قيمتى 

. من غير ما عاتب أصل العتاب إتعمل للناس اللى انا لسه باقي عليها  

. هخلينى باقي على اللى باقى علي 

. انا لما أنسحب من حياة ناس مش مقدرينى دي مش قله أصل لأ دي منتهي القوه مع نفسى  

. سأتعلَّق بالله ثمّ بنفسِى ومش هخون نفسى وأكون صريح معاكم

.سأكتفى بأسرتى الصغيرة لأنها مدينتى الفاضله التى تغنينى عن عالمكم الكاذب 

د.  علوى القاضى