الوجع جوانا
الوجع جوانا طرح أشجار
وعصافير متعرفش التراب
ولا ليها بصمه وعنوان دار
مكتوب سؤال بلا أى جواب
لا ليه مواسم ولا رنة إنذار
ولا معالم من صوت غراب
مفاجأته مستمرة بلا ميعاد
طعم غريب ف ريقنا مرار
ويتكتب علينا نعيش البعاد
وتنطفي في عيونا الأنوار
والاجل ميعرفش عجوز ولا شاب
ووقت القدر تعمي الأبصار
ومصيبة الموت مكتوبه ف الكتاب
لا لينا فيها فصل ولا إختيار
ولا لينا في أنفسنا راحة وعذاب
الموت حقيقة بكل إصرار
بالوجع ومن غيره موقوت بحساب
وكله محسووووب باقتدار
طالع على السلم وواقف على الباب
ومووجود فى الليل والنهار
وعمر حروفه ما ح تدبل لأى أسباب
ورسالته واضحه بعد الإشهار
حسن الشوان 🇪🇬
ليست هناك تعليقات:
إرسال تعليق