((نصيحة مني ))
ومكتوب لنا
نخطي خطى
على أرضها
نعشق ترابها وحضنها
ونضحي لجل
ننول رضاها
رغم الشقى
بنزرع فى أرض الخوف أمل
و أيه ألامل
ومهما طرح
طعمة مرار
لانه فاني
وعمال نعاني
نملى شقوق الجور ألم
نصوم نصوم ونفطر على ضربة وجع
على شط بحر
اسمه الفجع
حواديت كتيرة
الكذب واكل قلبها
الموج شدها
غرقت هناك
قابلت علل
علة حقوق
علة صحاب
علة قرايب
علة وداد
علة ولاد
علة رحم متقطعة
ومنثورة على
شط الفجع
وبنت الحرام
قاعدة هناك
مسلطنة
نعد فيها وتعد فينا
وهيا تسبق عمرنا تغري الجميع بلبسها
عاري قوامها وصدرها
وابن اللذين
باع كل حاجة
وراح لها
فاكر أنه أشطر
من ناس كتير
الحبل خانق وسطها
وتموا ضحية حبها
باعوا اللي ليهم
واشتروا كل
حرامها ومرها
رغم كدا
لسة الستاير لعيون كتير مزغللة
ومصفة أمل
عيونها واسعة
وحتة قماش منخللة
غارية الجميع
فاكرينها سهلة
مسهلة
نصيحة مني
لو راح تبيع
بيعها هيا وعريها
عجوزة قادرة
تعمل اللي فى نفسها
دا دنيا فانية
حذر منها ربها
نبيل عبد الحليم
١٦/٦/٢٠٢٢
ليست هناك تعليقات:
إرسال تعليق