ياعم يامراكبي
بحر الهوا ماله
مشاعره تمت عدم
أيه اللي جراله
وداد وأخرتةندم
دا الموجة شيلاله
ياعم يامراكبي
شوف لي ايه النية
سايق عليك النبي
رجليا فى الخية
القلب خاصم النبض
وهواه دوا ليا
على شطه رميت الشبك
طلع هواه قاسي
جف حبر القلم
مليانة كراسي
كل سطر بشكوى
وبين السطور ناسي
مليت خلاص م الجفا
وحبست أنفاسي
ياعم يامراكبي
موج الغرام عالي
أوصف لقلبي الدوا
كتير قوي عزالي
إياك تقولي إنساه
فى البعد صايف حالي
ياعم يامراكبي
بلغة السلامات
وحياة حبيبك النبي ماتحكي ع العبرات
بلاش تقول ع الدمع
ساب ع الخدود علامات
الحب وكل المشاعر
فى بحر الحقيقة مات
والغدر وحدة اللي باقي
وفى قلب الحبايب بات
ياعم يامراكبي
بشويش على المجاديف
شط الأمان إنجرف
والصدق بقى تخاريف
واللي مشاعره نبيلة
إتهموه بالزيف
ياغصن أخضر ومال
على شط الهوى كان ضيف
بسيف الغدر إنقطع
إتكوى بحرارة صيف
والأه بتشرح صدور
الظلم عندها كيف
بقلمي
نبيل عبد الحليم
٥/٧/٢٠٢٢
ليست هناك تعليقات:
إرسال تعليق