... تصلب الشرايين !
... يعني إيه ؟
.. - ببساطة هو ضيق في جدار الاوعية الدموية وإنها تفقد مرونتها الطبيعية
... وده بيحصل نتيجة ترسب الدهون فيها
... وبالتالي تدريجيا بتؤثر على مجرى الدم فى الأوعية الدموية حتى ينقطع تماما .
... إيه أهم أسبابه ؟
عوامل الخطوره :
١. التدخين .
٢. زيادة ضغط الدم
٣. زيادة الدهون المهدرجة في الغذاء
٤. ارتفاع السكر بالدم ( ومضاعفاته لشخص مش مظبط سكره ) .
٥. عدم ممارسة الرياضة بانتظام .
٦. جينات وراثيه
... آلية حدوثه ؟!
- بعد ما بيحصل اي إصابة ( التدخين سببها في أوقات كتير ) في جدار الشريان
... بتبدأ الجزيئات الدهنية تترسب وتتجمع في المكان دا
... و يبدأ يحصل تفاعلات كيميائية تنادي على الجهاز المناعى
... وطبعا جهازنا المناعي بيستجيب ويبعت أول نوع من الخلايا المناعية " "علشان تصلح اللي حصل دا
... بعد ما بتوصل الخلايا دي كنوع من انواع التحور بيبقى اسمها الخلايا الأكولة بتبدأ تاكل كل الجزيئات الدهنية الموجودة في المكان بعد ما بتتأكسد
... ومع الوقت بتتحول لنوع آخر من الخلايا وهي دي اللي بتكون السبب في تصلب جدار الوعاء الدموية وتقليل الدم وربما انقطاعه تماما
... مدى خطورته ومضاعفاته ؟!
١. ارتفاع في ضغط الدم
٢. قطع الدم عن القلب ثم موت عضلة القلب " الشرايين التاجية
٣. إنقطاع الدم عن المخ موت جزء من خلايا المخ
٤. جلطات في الأعضاء الطرفية أو بعض الأعضاء الباطنية الحيوية
٥. لو انقطع الدم عن مركز فى المخ او عضو حيوي تحدث الوفاة لا قدر الله
... تشخيصه فعليا ؟!
.. - : تصوير جدار الوعاء الدموي بالصبغة " الشرايين التاجية او الشريان الثباتي " دوبلر "
.. - وممكن : الاشعة المقطعية على المخ
.. أو رسم القلب بالمجهود
.. أو اشعة الموجات الصوتيه علي القلب
... ازاي اقدر اتجنبه او أعالجه إذا حدث
... أهم حاجه أتجنب أو أعالج عوامل الخطوره :-
١. ابعد عن التدخين
٢. تجنب الدهون المهدرجة
٣. ممارسة الرياضة ️بشكل منتظم على الاقل ٢٠ دقيقة يوميا لمدة ٤ - ٦ ايام اسبوعيا .️
٤. لو كنت مريض سكر لازم تمشي كويس على العلاج و تظبط أكلك كويس .
٥. بالنسبة للادوية : استعمل بعض الأدوية لتقليل نسبة الدهون المؤكسدة الضارة في الدم
٦.جراحيا : القسطرة القلبية لتوسيع الشريان التاجى وتركيب دعامه
... تحياتى ...
د/علوى القاضى.
ليست هناك تعليقات:
إرسال تعليق