بنت النيل
٠٠٠٠٠٠٠٠٠٠٠٠
حبيبة الطفوله صديقة الطفوله
لسه ف قلبي من النظره الاولي
حببتي المجهوله
عمرنا ف سنين العصاري
وشمسنا قربت تغيب
وقلبك هو اللي داري
وانت بعيد جفت انهاري
وانت بعيد زادت ناري
وعشت مع ذكرياتي غريب
ويعرف قلبك العنيد
انك عندي اغلى حبيب
نتقابل ف خريف السنين
وتاني يصحى جوانا الحنين
دا يصح ودا ممكن معقوله
حبيبة الطفوله صديقة الطفوله
لسه ملامحك زي ما هيه
لسه القمر بيسرق ضيك
لسه البدر بيغير منك
بس ضفايرك فين هيه
بس برأءتك فين هيه
وحلاوة ابتسامتك فين هيه
معاهم أجمل أيام عمري وليالبه
معاهم دقات قلبي المهجوره
دا يصح ودا ممكن ودا معقوله
حبيبة الطفوله صديقة الطفوله
بعد ماراح من عمرنا كتير
عايزانى تاني عليكي اغير
وابات ف عنيكي اشجي المواويل
لالا ياصديقتي لالا ياحبيبتي
لا يا بنت النيل دا عليه كتير
والباقي من دقاتي قليل
خلي نظراتك تبعد عني
خلي همساتك تهرب مني
جوايا ليكي شوق بيقتلني
خلي اللي بينا أجمل ذكرى
والقلب اللي يعشق عمره
مايقدر يكره عمره
وانت حببتي المجهوله
نتقابل ف خريف. السنين
وتاني يصحى جوانا الحنين
دا يصح ودا ممكن معقوله
حبيبة الطفوله صديقة الطفوله
حببتي المجهوله
بقلم على عبدالرحيم محمد
ليست هناك تعليقات:
إرسال تعليق