الشاعر مصطفى الهنداوي
سبع سنين الحلو ما جاني
سبلي الوحدة منها بعاني
سبع سنين وانا بستناك
واخد روحي ليه وياك
سبع سنين بتعذب فيا
وانا مشتاق لحضك ليا
سبع سنين تعالى يا قاسي
طول البعد جرح احساسي
سبع سنين تعبت خلاص
وشكيت منه لكل الناس
سبع سنين بنادي عليك
ارجع ليا انا مغرم بيك
سبع سنين وانا بترجاك
ومش قادر انسى جفاك
ليه يا غالي تعذب فيا
وبتحرمني من الحنيه
سبع سنين طال الشوق
وفي دوامة نفسي افوق
سبع سنين وانا بتألم
ومن الصبر أنا بتعلم
سبع سنين حبي ما غاب
امتى يا ولفي أدق الباب
وأسعد لما عين تشوفك
وانسى اللوم وكل عتاب
ليست هناك تعليقات:
إرسال تعليق