حبايبي الغالين كلامكم صحاني
من غفلة ألم مسيطره عليا
نفضوا جوايا أوجاع محتلاني
وتكشيرة وجع بتعزق فيا
معانيكم صحت حروف المعاني
اللي كانت جوايا مستخبيه
خايفه تطلع من اعماق كياني
الليل يخطفها و يطلب ديه
عايشة في عروووقي ووجعاني
خايف اصارحها لاتبكي عليا
أرجوكم متتأخروش عني تاني
انا من غيركم حياتي منسيه
بابها مخلوع ومن قد ايه بتعاني
وستايرها حزينه م الآسيه
كل سنين عمرى واخدها زمانى
وبيلمها كلها من حوواليا
ملامحى بتتغير وعايش وحداني
وفووق كتافى المسئولية
نفسى حد مره يخبط على بيبانى
وافتح يوم شراعة عينيا
شباكى مفتوووح وانا ناشر الوانى
إللى ما تلفتش الأنظار ليا
والعصافير كل يوم واقفه شايفانى
وهى الوحيده حاسه بيا
نظراتها بتعبر عن فرحى وأحزانى
وعايشه حياتها بشفافيه
.............................................
............ حسن الشوان 🇪🇬 .........
ليست هناك تعليقات:
إرسال تعليق