التمييز مابين الأم والأب
محبة غنية بالقلب بتصب
عندي إم لاكن مش متل بيي
من بعد الله كنت بيي حب
خواصو الحميدة حطها فيي
وعلمني سامح بالزمان الصعب
هيبة البي إلها إلوهية
الله المنح هالصفة للأب
والبي خلقتلو الرجولية
من بطن إمو عليها شب
الصبح بيفيق يكدح لاعشية
ميت تعب والعرق منو يصب
تا يأمن لنا العيشة الهنية
يبخل عحالو كرمالنا ويضب
يجي عالبيت وكلو معنوية
يبوسنا والرضى علينا يصب
منهوك تعبان عصابو مرتخية
يخبي هموم التعب بالقلب
عايش عاهالمنوال يومية
مصابو وهمومو ورا منو يكب
وكل ما كنت ناديلو يبيي
يرد بصوت التعب جايي
من هيبتو يهتز عرش الرب
......بقلمي
الشاعر عيسى باظة
ليست هناك تعليقات:
إرسال تعليق