( حال الفيس )
***********
الصفحات صبحت خلاص
حكاية.......... لحال الناس
شباب كتير وبنات
الرجالة مع الستات
الكل قصة ورواية
في الوتش وي الشات
منهم سعيد فرحان
بالصحبة والله زمان
الحب كان يجمعنا
وصديقي عمره ماخان
حبيب الروح دا الغالي
وعلي عمره ما هان
والتاني شكله حزين
بيكتب وكله أنين
حبيبي جرحني وراح
ومن ظلمه اشكي لمين
سيبني وانا بتألم
من جرحه انا بتعلم
حزين ومش بتكلم
متقولي طريقك فين
والدنيا والله غريبة
وأحوالها بجد عجيبة
صفحات فيها سعادة
بنهني فيها يا سادة
والفرحة فيها زيادة
أعلان دا فيه افراح
لليالي عُرس ملاح
وزهور عطرها فاح
أو فرحة لكل نجاح
والتانية فيها احزان
ودموع وآه يا زمان
لفراق كل حبيب
بالموت لا عاش ولا كان
كتبت حداد يا اصحابي
عزوني دا انا زعلان
فيه صفحة كل شوية
ولى زمن الحنية
والدنيا قاسية عليه
ادعولي انت وهي
ولا حد حاسس بيا
دا عدوي شمتنا فيا
صفحات فيها قران
وحديث عن العدنان
وهداية من الرحمن
للنصح لطاعة ربك
والبعد عن العصيان
هتفوز يا غالي بالجنة
وتعيش كمان في امان
طاب اسمع وافهم مني
يا حبيبي انت وقولي
يتبقى ذكرى جميلة
متكونشي شقاي وهمي
عليك بالكلمة الحلوه
وحساس أنت يا خلي
الشاعر مصطفى محمد الهنداوي
ليست هناك تعليقات:
إرسال تعليق