....
عيونها
.......
عيونا رميوني بنظرة
و سهاما نار
أخدوني بغمزة وسِرها/ا
رمشا سمسار
زرعوا بِدروبي زهرة
الورود زرار
قَدَّا مياس وخصرا
جنْ الزنار
حواجبها سيف وشفرة
وعود وأوتار
بين النظرة والزورة
قصص وأشعار
مابيعلم سر النظرة
غير الشُّعار
والعاشق حالو عترة
وفكره محتار
كلماتا متل الجمرة
حضورا إعصار
بسمتها سحر وخمرة
بترمي الطيار
صفاها شمس وحَرَّا
بيكوي الأفكار
بطلتها تجن السمرا
منها بتغار
بالشاشة بتحلى الصورة
ياسمين وغار
صوتا مثل الشحرورة
بحة وأسرار
وخطوتها شو مغرورة
وغرورا كار
جمالا بالمعمورة
متلو ماصار
غنجة كتير وأمورة
دلعها نار
ست الكل وسنيورة
صاحبة قرار
مثلا ما بشوف بصورة
يا أهل الدار
هي أوصافا ببحورا
خدنا التيار
........
عثمان الأقرع
سوريا
ليست هناك تعليقات:
إرسال تعليق