جرحك غميق بقلم عيسى وسوف باظة

.....جرحك غميق.....

غميق الجرح لازمو تقطيب

مفتوح ولا في طبيب يقطبو

من دون خياطة مابظني يطيب

ولا فيه قوة قادرة تاتطيبو

 مقطوع الدوى مفينا نجيب

من دون دوى كيف بدنا نطببو

ما تركنا لا غريب ولا قريب

لمساعدة بالنفي كلن جاوبو

يوم كنا بخير بالوقت الخصيب

وحياة ربي الكل كانوا حبايبو

ولما احتجناهم بالوقت العصيب

عن وجهنا صاروا يغربوا 

كافي ياوطن وجع ونحيب

وقف بوج الزمن صد نوايبو

شعبك أبي وطبعو عجيب

تسونامي الحرب مابيرهبو

قطبنا جروح البدها تقطيب

حتى جروحك عالشفاء يقربوا

بقوة الإيمان والشعب العجيب

شعوب الدني عصمودو تعجبوا كانوا بلدنا معلقينو عالصليب

من بعد ما صلبوه سجدولو وصلبوا

.....

بقلمي 

الشاعر عيسى وسوف باظة