سلام الله على بلدى
على أهلى وعلى ولدى
على صاحبى اللى كان سندى
على عشره كانت غاليه
وشجره حبها مايله
بتفرد ضل عالأحباب
على ضحكه عاشت بينا
وشوفنا يوم فراقها عذاب
سلام الله على الغاليين
بعزه نفسهم عايشين
ورغم هموم كتير عادى
بتلقى بصبرهم راضيين
سلام الله على طفله
براءه الدنيا فى عنيها
بسمى وأقول ماشاء الله
وبدعى يارب إحميها
سلام الله على
حياتنا وشدتناولمتنا وفرحتنا
وضحكه أب من قلبه
بيدعى يارب وسط حياه
أشوف الفرحه لأولادى
وإبعد عنى قولت الأه
سلام الله على
الكلمه على النظره
على الصدمه وقولت الأه
سلام الله على دعوه
ومن قلبه دعاها صديق
وقال يارب إجمعنا
يارب مشوفش وسطنا ضيق
سلام الله على
الجيره وعلى الغيره
على القلب اللى كان لؤلؤ
وفجأه صبح دهب عيره
سلام الله على أحلام
حلمناها رسمناها وصوناها حفظناها
ولما شيطان دخل بينا
مسحناها وظلمناها
سلام الله على بلدى
يارب مشوفش فيها وباء
تحياتي/
مدحت لطفى عبدالعال
ليست هناك تعليقات:
إرسال تعليق