غريبة
غريبة الدنيا ياشيخة
عملانا زي شوخشيخة
تضحكنا تبكينا
وتاخد أغلى مالينا
ودوخنافيها 100 دوخة
الناس متضربة ألوان
لا وفا ولا إخلاص
ولا حب زي زمان
والشاطرة فيها ملبوخة
بيوتنا كلها ضاعت
وشبابنا في عزها شابت
وساكنا الف شيطان
الإيد عالإيد كانت واحدة
والأمة عمرها واحدة
دلوقتي إتفرقت أوطان
غريبة الدنيا ياشيخة
عملانا زي شوخشيخة
تضحكنا تبكينا
وتاخد أغلى مالينا
ودوخنافيها 100 دوخة
غريبة الدنيا ياشيخة
ومالها الفرحة مخطوفة
و غريبة الدنيا ياشيخة
حيطان في بيوتنا مشروخة
غريبة الدنيا ياشيخة
جزور الود مملوخة
غريبة الدنيا ياشيخة
في لحظة غضب بنهون
وبناخد قرار مجنون
وتبات الجته مسلوخة
غريبة الدنيا ياشيخة
زمان كان لنا أحباب
نتخاصم ونتصالح
ولا إتقفل لنا باب
ولا بنا واحد كداب
ونتعاب بتوبيخة
غريبة الدنيا ياشيخة
سيدحجازي
ليست هناك تعليقات:
إرسال تعليق