........ .... . ... بقلم /السيد بدر
يا صح مالكش عوزه
كتابك يعمل ايه
مكانك رف عالي
مابينبصش عليه
موجود ومش موجود
قله بتسأل عليه
فى زمنا مالكش عوزه
... ياصح حكايتك ايه
قليل منا اللي فاكرك
وكتير بقا ينكرك
وناس نسيت ملامحك
موجود تتجنبك
، نام كمل منامك
يا صح هاتصحى ليه
صدقني الكل كارهك
وجودك فاد بأيه
وجودك زى عدمك
الرحمه يا ناس عليه
فى زامنا مالكش عوزه
ياصح جرالك ايه
الف كتاب غلط
مفتوح نحفظ بنودة
وكتاب الصح واحد
مقفول شطبين بنودة
خليك مركون فى رفك
كمل يا صح نومك
يا صح الكل ناكرك
كارهك رافض وجودك
خليك كمل منامك
ماتسيبش يا صح رفك
فى زامنا تفيد بأيه
وجودك زى عدمك
صدقني مالكش عوزة
خليك نايم فى رفك
يا صح مالكش عوزه
موجود بتعمل ايه
ليست هناك تعليقات:
إرسال تعليق