مش مسامحة أنا مش مسامحة
كل واحد قال عليا كلمة جارحة
مش مسامحة أنا مش مسامحة
اللى موّت جوة منى أى فرحة
واللى فيا قال كلام ما يوم حصل
واللى عيشّنى فى حالة من الملل
واللى حاول ألف مرة يهدّ فيا
وصاب حياتى بالنهاية وبالخلل
مش هسامح أى حد فى يوم خدعني
واللى ياما جه عليا كتير وباعنى
بدعى ليل ونهار أنا دايماً عليه
وربنا من فوق سماه أكيد سامعنى
بكره راح يحيي الأمل من تانى فيا
بكره هيبدّل خريف العمر بيا
بالربيع اللى جناينه ورد طارحة
مش مسامحة أنا مش مسامحة
كل واحد قال عليا كلمة جارحة
مش مسامحة أنا مش مسامحة
كل واحد قال عليا كلمة جارحة
مش مسامحة أنا مش مسامحة
اللى موت جوة منى أى فرحة
اللى شاف دمعة عينيا وقاللى عادى
واللى كان دايماً بظلمى تملى راضى
بكره لازم ربنا هيجيبلى حقى
هو أرحم بيا من أحسنها قاضى
بكره يعنى الدنيا دى هتدور عليهم
واللى فيا شِمتوا هشمت بردوا فيهم
مش هحاول مرة أنى فى يوم أسامح
وأن سامحت هدعى ربى أنه يجازيهم
بكره لازم أبدّل أنا صمتى وسكاتى
واللى مات جوايا منهم طول حياتى
من جديد لازم أكيد من تانى يصحى
مش مسامحة أنا مش مسامحة
كل واحد قال عليا كلمة جارحة
بقلمي عبدالحميد وهبه
ليست هناك تعليقات:
إرسال تعليق