[ الملة مجهولة ]
خيط الشمعة
سباب هلاكها
يا ويحي
غدر الغفلة فيكم مزروع
هول ناس الطيبة
فيكم مخدوع
الملة مجهولة
طينكم رخيص مبيوع
مطامر غطاها
وشام فتان
لا يغركم زينها
مسامر معريا نيبان
يا گاطع الواد
لا تگول نشفوا رجليك
المدينة كبيرة
سايگها جربوع
اللي جا ب الخير
دعي معاه ب التسير
القاصدكم ب الصفا
رجع براني
سلاگ الغابة
خرجت العار
السوايع بدالة
مازال غادي
يطلع عليهم النهار
بقلم : عثمان كامل
#الفقيه_بن_صالح☆MOROCCO☆2023
ليست هناك تعليقات:
إرسال تعليق