من بين
البيضة والسمرة والشقرة
السودة
هيا اللي حبيتها
يا سودة
يا ام العيون السود
ياجمال كحلتها
وزينتها
من غير ما اطلب الحاجة
تبص في عنيا وتلاقيها
عملتها
لو طلبت نجوم السما
طلعت وجابتها
يا مغندرة ياملفوفة يامدورة
لو لبست خيش اوعا
من حلاوتها
وياعيني لما بتضحك
تضحك معاها الدنيا
من جمال ورقة
ضحكتها
ام الخلخال دهب ياجمال
خطوتها
انا عارف شوق قلبها علي
وحنانها ولهفتها
السودة ام العيون السود
ياريتني
ما حبيتها
بقلم
احمد محمود
من ديوان سكة العاشقين
ليست هناك تعليقات:
إرسال تعليق