بقيت
احب الوحده والعزله
واحب الضوء الخافت
احب النغمه الحزينه
بغني معاها موالي
يبقي انا عيان
كرهت الدوشه والزحمه
كرهت اللمه الكدابه
كرهت الناس
اللي بسبعين وش
كرهت حكاياتهم الكدابه
يبقي انا عيان
راح فين
الأبيض و الأسود
و ماكان في رمادي
راح فين
القلب الأبيض
بقت علي كل الألوان
يبقي انا عيان
شبعت
منك يا دنيا
شبعت
اللام و احزان
ما اخدتش منك يا دنيا
غير عذابي و احزاني
وعرفت الأبيض
لون كفني
وقبري هوا عنواني
ايوه انا تعبان
بقلم
احمد محمود
من ديوان سكة العاشقين
ليست هناك تعليقات:
إرسال تعليق