الحكاية مش مجرد
كلمة من أربع حروف
الحكاية إزاي هنقدر
بيها نتحدّى الظروف
كلمة عادي إنّي أقولها
كلمة سهل تبوحلي بيها
لو نجوم الليل نطولها
ونسايرها ونحاكيها
المهم يبقالها قيمة
والنوايا تكون سليمة
وقبل منها يكون عزيمة
وقلب يرفض أي خوف
الحكاية مش مجرد
كلمة من 4 حروف
الحكاية ماهيش مجرد
كلمة سهلة والسلام
إنّي أقولها أو تقولها
يعني من غير إهتمام
لو ماكنتش هاتعاملني
إني منك وأنت مني
وقتها راح تبقي يعني
كلمة زي باقي الكلام
الحكاية ماهيش مجرد
كلمة سهلة والسلام
هي كلمة الكل قالها
ورددوها ليل نهار
بس يعني قليل عَقَلها
وبعدّها أخد القرار
اللي بعدُه أكيد هيبدأ
يوصل الأحلام ويسبق
واللي كان لُه في حبه مبدأ
ده اللي داق الإنتصار
هي كلمة الكل قالها
ورددوها ليل نهار
بقلم عبدالحميد وهبه
ليست هناك تعليقات:
إرسال تعليق