آه يا جاني وجِه عليا
سِبت جرح وخد شوق
سبت فيا دموع عنيا
خد دمي من العروق
مهما قلت انا فيك شوية
مش هاوفِّيك الحقوق
خنت بعت لعبت بيا
لأ بجد يا عم ذوق
كنت ليك وردة وندية
كنت ليا جراح وشوك
كنت عندي الدنيا ديه
بعت كل اللي يعادوك
قلبي عمري ونور عنيا
بالسعادة بيوعدوك
كنت ليا موجة عالية
كنت ليك مجداف وطوق
جيت بليل سكنته فيا
ظني كان شمس وشروق
ياللي حبك كان خطيَّة
كان مبيِّت نية سوء
ذنب ليك خلَّصته فيا
بكره قلبك بيه يبوء
كنت حِمل تقيل عليا
بكره ضهرك بيه ينوء
بكره جرحي هيهدى فيا
بكره م الأحزان هافوق
وانت ياما تشوف أسية
م الجراح والويل تدوق
والحياة ليك سرمدية
ليل ما يطلعلوش شروق
نية سوء
بقلمي/ خالد جمال ٩/٨/٢٠٢٦
ليست هناك تعليقات:
إرسال تعليق