بقلم خالد كرومل ثابت
عامي
نويت اسافر بعيد عنك يمة واعيش
لقيت طعم الغربة مر يمة حتى العيش
البعد عنك جفا وليله طويل بسواد
دورت على الحنان والنور بعيد عن امي مفيش
خايف اغمض عيني تروح مني صورتك ومتجيش
بقيت سهران وانتي معايا زي العسكري في الجيش
فاكر كل حاجة وفاكر طعم الأكل في إيدك
وفاكر صوتك وريحه أكلك فاكر حتى القراقيش
وانتي شوية علشان أنساكي واعيش
فاكر ضحكك ودمعك فاكر تعبك علشاني مناسيش
خلاص قربت ارجع وارتمي في حضنك
وابوس إيدك واشم ريحتك يمة ما تزعليش
أتاري الغربة ليها ضريبة وحتى بقشيش
رجعت من الغربة يمة بنده عليكي وعلي مارديتيش
شايف البيت مليان ناس بهدوم سودة
ندهت أمي والصرخة شقت قلبي قالوا عن أمي تعيش
خالد كرومل ثابت
ليست هناك تعليقات:
إرسال تعليق