لو هيبقى الحب ذنب
فإعتبرني هبقى أول شخص مذنب
فوق جِدار العشق هكتب
قصة الحب اللي بينّا
وإني عمري في يوم ما أخاف أو حتى أهرب
لو هيبقى الحب إثم
فإعتبرني م النهاردة شخص آثم
بس ربك بردوا عالم
إن يعني اللي بيعشق
عمره يوم ما هيبقى ظالم
يعني لو الكل شاف الحب ذنب
عمري يعني في يوم ما أبطّل إني أحب
لو هيبقى بينّا يعني ألف حاجز
راح أخطّي أي حاجة وكل صعب
لو هيبقى الحب ذنب
لو هيبقى الحب حرب
فإعتبرني م النهاردة إني فارس
جانب منك زي ضلّك هبقى حارس
راح نعيد للحب من تاني حكاياته
في الغرام أنا وأنت راح نفتح مدارس
لو هيبقى الحب جناية
فإعتبرني إني هبقى أكبرها جاني
وإني لجل الحب هبقى أكبر أناني
بس هبقى أناني فى الحب اللي بينّا
أصل حبك يعني مخلوق بس عشاني
بقلمي عبدالحميد وهبه
ليست هناك تعليقات:
إرسال تعليق