كل ما ببتدي إكتب قصيدة
وفكري يسرح بدنيا الخيال
ببلش إكتب بحلة جديدة
وحضر جمل بدعة من الجمال
......
وزين حروف الشعر بالإلهام
وضوي شموع الموهبة كلا
والوحي ينزل بفكري ينام
يدون بعقلي شو بعت الله
......
عبي القلم من موهبة فكري
والقلم يكتب ع السطور الموهبة
ويجتمع نمل الشعر عابيدري
وياخد المونة حبوب مدهبة
......
والشعر فيي صار عم يكبر
بكبر المدى والسما العالي
ومصباح فكري شعشع ونور
ونورو محى عتمات الليالي
.......
انفجر نبع الموهبة وبلش يصب
فوق الدفاتر كنوز ودرر
يسكب جواهر والوراق تغب
تشرب نبوغي بالمفيد المختصر
.....
وانا والشعر نخلد للأبد
متل الأوابد البقيت خالدة
وإترك إرث بالشعر لولد الولد
إجني شقى عمري ويجنوا الفائدة
....
ياشعر ليش بتعتدي عليي
محرم دقيقة نوم عاعيوني
خزنت كل مواهبك فيي
وشيطان شعري طلع جنوني
.....
دور ع شي عاقل تسلا فيه
شو بينفعك هالشاعر الجنون
حاجي بقا بيكفيه يلي فيه
كاتب قصايد أكبر من الكون
.....
وبكل عروة موهبة حطيت
زرار النبوغة بقلب لعراوي
وضليت إكتب شعر تاخليت
ديوك الفصاحة تعلم الواوي
........
بقلمي
الشاعر عيسى وسوف باظة
ليست هناك تعليقات:
إرسال تعليق