من بعد ماراح و نساني
وسابني في بحر احزاني
وشق قلبي دا نصين
بيدق الباب من تاني
ويقولي ان عمره ما نساني
وياريت ياحياتي تسامحيني
قلبي من بين ضلوعي نط
حسيت بالفرحه من تاني
لكن عيوني قالت لا لا
دا. هوا اللي بكاني
ورموش العين تحذرني
نسيتي اللي سهرني
انا و الجفن و النني
قولت ياعيوني سامحوني
ويارموش العين وجفوني
دا حب عمري و حياتي
وياريت ياحبايبي تساعدوني
خاصمت الكل و عادتهم
وفتحت له قلبي من تاني
ونسيت كل اهاتي و اللامي
وأخدتة بسرعة في أحضاني
حسيت بسعادة وهمية
وفي حاجة كانت نقصاني
عدي علينا شوية وقت
ورجع لخيانتي من تاني
رجعت لأحزاني من تاني
وسجنت نفسي في سجن كبير
والجاني هوا سجاني
واسعفيني يادموع العين
او غمضة جفن تريحني
وحزني يبات ليلاتي
بايت سهران علي رمشي
وحبيبي صبح سجاني
بقلم
احمد محمود
من ديوان سكة العاشقين
ليست هناك تعليقات:
إرسال تعليق