قلبي بيقولي بحبك
وأنا لقلبي بكذب
أخاف أصدق قلبي
أجني عليه وأعذب
وأنت الربيع وزهوره
وأنا الخريف البائس
وأنت لقلبي بدوره
عتمة بدونك يائس
يائس ضعيفة أنفاسي
عايش وأقول دا كفاية
راضي بمرارة كاسي
ونحلم سوا بحكاية
حكاية أنت سطورها
كل كلامها أغاني
يا جنة حياتي وحورها
نفسي أعيش من تاني
نفسي أعود لحياتي
وأنت لحياتي حياة
عايش طويلة ساعاتي
يا بكرة اللي بستناه
خايف أقوم ما القاه
ويضيع من عيوني الضي
غرقان في بحر الحياة
أنا الميت واسمي الحي
يحيى حسين القاهرة
3 مارس 2024
ليست هناك تعليقات:
إرسال تعليق