ليه الدنيا و اخدانا
شمال و يمين
ليه دايما حوجانا
لسؤال اللئيم
ليه العزه بتنداس
بألف مداس قديم
قلبي موجوع. بالقوي
صبح ومسا حزين
ليه الدمعة بتكوينا
وبتنزل بألف. انين
ليه. الحزن. مصاحبنا
واشتقنا قوي للحنين
ليه احلامنا اتبدلت
لحلم قديم
ليه الضحكة هربت مننا
والفرحة لألم و انين
ميت الف ليه و ليه
جاوبوني يا بني ادمين
ليه الدنيا و اخدانا
شمال و يمين
كفاية بقي شقي
وكفاية بقي انين
ويا دنيا اتبسمي
تعبت. من وجع السنين
بقلم
احمد محمود
من ديوان. بنا حروف
ليست هناك تعليقات:
إرسال تعليق