_عبرات: عبد خلف حمادة
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
حَمَّادي گوْمْ گلطْ الغنم لِ جاي
صار الحليب و وكت العَشَا و الچاي
يا عين أمك نار الغضا بچلاي
ياريت الموت ماخذنهْ سِوِيَا
يا نهر الشوم غَدْرَهْ تاخذ ابني
و مِن بعدهم إلمن اَعَمِّر وإلمن ابْنِي
زماني اليوم صُوْب البين ذبني
هدم أركان حيلي و عَم عليا
يا هل طُرَّاش يل جاعد تِسِرْحُون
ما شفتم ضنا گلبي وأنتم تُرَوْحُون
چبدي عليهم مثل الملح مطحون
گوطر ظعنهم من يرد الظعن ليا
حَمَّادي شلون يا وليدي تُصُد عِنِي
دمعي نشف وْ فَت الجوف عَنِّي
يا غَبْرَه صار وَكْت الطوف وَنِّي
شكثر وَنِّيْت خانتني المنيه
أبوك اليوم يفرش لك بسدو
جاك الونيس المثل البدر خدو
يا خيَّاط الچفن بالحيل شدَّو
أخاف الگاع تقسي بالأذيه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عبد خلف حمادة
ليست هناك تعليقات:
إرسال تعليق