اسمك من ثلاث حروف
م ص ر
أم الدنيا
وست كل عصر
من بين كل البلاد
عشقت انا اسمك
مجنون انا برسمك
بحور الدنيا محوطانا
والسمس طالعة في سمانا
ونيلك هوا شريانك
وبين الأسم والرسم
هقول كلمتين علشانك
عشانك يا مصر
اربط ميت حزام
عل البطن
واتحمل الجوع لو كافر
واتحمل برد الشتا والحر
وفي عز شمسك الحاره
نحول رمالك الطاهرة
الي خضرة الي جنة
ونبني ونعلي في البنيان
ونرفعلك رايات النصر
وعشانك يا مصر
بغاب الناي اغنيلك
مواويلك
في قاعدة عشق علي
نيلك
والميه تجري وبسرعة
تروي ارضك السمرة
ونمشي في. جناين مصر
ونقول النيل دا رباني
غلطان من قال دا نجاشي
وانا ماشي
وجنبي حبيبتي مصرية
بنغزل ثوبك الدهبي
بلون خيرك بلون قمحك
ما انا لوني كمان قمحي
ونرسملك طريق النصر
حبيبتي ياأم الدنيا
وتاج راسي يا أمي يامصر
وعشانك يا مصر
اربط ميت حزام عل البطن
واتحمل الجوع لو كافر
واتحمل برد الشتا والحر
ونبني ونعلي في البنيان
ونرفعلك رايات النصر
واحبك يامصر
بقلم
احمد محمود
من ديوان حبة رتوش
ليست هناك تعليقات:
إرسال تعليق