لو أجبروك يوم تتلّوِن
يعني وخَدوك للسكة السد
إسمع كلامهم وإتلّون
وخلّي لونك لون الورد
كل لّما تيجي في يوم سيرتُه
من لونه معروف أو ريحتُه
سايب أثاره في كل مكان
لو بس يوم يعني لمستُه
خلّي إبتسامتك تقتلهم
من غير كلام بقى علّمهم
وإن أجبروك على شئ تاني
حاول بطيبتك تهزمهم
لو أجبروك إنك تنزل
كون كالمطر وقت نزوله
فيه ناس بتدعي وتتذلل
ومحرومين عمر بطوله
ف نزوله ده معناته حياه
دايماً يجيب الخير وياه
إنت كمان خلّيك زيُه
في وجوده كله يقول الله
بقلمي عبدالحميد وهبه
ليست هناك تعليقات:
إرسال تعليق