...... قلم السيد بدر
فيكى إيه
يادنيا جاوبي أنا معرفوش
نفسي أعرف نفسي اشوف
..........
فيكى كل حاجه عملتها
ايه إللى فيكي معملتهوش
.........
جاوبي قولي عليا ردى
إيه إللي فيكي ومعرفوش
........
ياساقيه وفيكى ربطاني
وحاجره عليا سجناني
تحت طوعك تحت أمرك
مهما قولتي مابرفوضوش
..........
ريحيني بلاش ملاوعه
إيه إللى فيكي ومعرفوش
...
دنيا كنتى ولا كنتى دنيتين
سكه كنتى ولا كنتى سكتين
..........
بعنيه شايفك فى القسمه كنتى بزمتين
مليت من كتر صبري ماعدش صبر منين
إيه اللى فيكي ومعملتهوش
........
لفيتك عرض وطول
شوفتك عتمه وشوفتك نور
قليل بشوفك مخضره
وكتير بشوفك بور
......
أنا مش حملك ردى وجاوبي
ليه انا فيكي بلف ودور
إيه اللى ليكى معملتهوش
........
معايا زى ممعايش
ودايما ليكى حوجاتي
وف عنادك ماتتوصيش
.......
أنا زى كل الناس
ولا ليكى ناس وناس
ردى قولي فيكى إيه أنا معرفوش
.........
ياساقيه وفيكى ربطاني
طول عمري طوعك وتحت أمرك
وجعاني ليه إيه إللى قولتي معملتهوش ..
....
ليست هناك تعليقات:
إرسال تعليق