بص يابني اسمع هاقاولك
ان كنت ماشي وهاتقول سلام.
....قول سلام
بس برضه سيب كلام
جنب حيط. اهو يبقي تركه
يبقي ورده قلب غيط
او يبقي روبه قلب بركه
حاجه من من ريحتك والسلام
عامله حاله وليها حركه
يبقي و يعيش ويكون فاضلك
شايل سيفك وسط عاركه
وان كان دلوقتي معاك ف ضلك
بكره هاتسيبه لوحده ومفيش لشركه
يبدأ يفتش ايه حياته وايه ميراثه
هو عربي ولا زنجي م الأفارقة
يبدأ يشوف مين اهله وايه واجع لناسه
وايه ال ماشي ومين رجليه ف الوحل باركه
وايه ال كتبه قلمه ف سطره
وايه بيحوي ف كراسه
ويدعبس ويدورلجنسه او لماركه
يلاقي حرفين متحزمين وبيترقصوا
يوم بهيه كانت ف مسابقه مشاركه
جوه اي ملعب وهيصوا
وحرفين هناك وسط شجر التوت بيتشمسوا
عنطوز وارطاس ترمس وبيهمسوا
وحروف هنا وهناك منتوره وللدنيا تاركه
كام حرف كده ع قدهم
وكام حرف ابدا ماهاب ولا جاب وري
ودعبس وف الاخر ها تعتر لكلمه داركه
ع حروف علي نفسها ياما شبعت نأوره
راعيهم دلوقتي قلب بوحك
ناديهم وانفخ فيهم روح من روحك
عودهم بعد عشره تسيبهم ع الطريق
وانهم يكونوا قطره ندي ف يوم تبل الريق
او طوق نجاه ينقذ ملهوف غريق
ما يمكن يكون الحرف مكتوبلك ف لوحك
انه قوله يمين ف صف الحق
وانه نشفان ريقه بقوله لاء
وانه بكي وانه حكي
وانه لربه من ظلم العباد
رافع اديه وم الظلم اشتكي
بقلمي/محمود عفيفي دومه
ليست هناك تعليقات:
إرسال تعليق