ــــــــــــــــــــــــــــــــــــــــــــــ
زِيد فِي صَلاَتَك يَا مْوَحِّد
قُوم لَبِّي لِلْمَوْلَى وْوَحِّد
صَلِّي عَلَى الْمُخْتَار طَهَ
نُور الوُجُود طَهَ وْأَحْمَد
البَدْر مِن نُورُه تَجَلَّى
وِالْجِزْع حَنّ وْقَام صَلَّى
يَا بَخْت مِن عِينُه رَأَهَا
أَرْض الْحَبِيب مَهْد مُحَمَّد
الْحِلْم زَانُه وِنَادَى لُه
مِن زَار رَسُولِي هَنِيَّالُه
يِعِيش حَيَاتُه يِتْبَاهَى
شَاف الْحَبِيب عَاش الْمَشْهَد
رَبّ الْخَلاَيِق بِيْصَلِّي
وَيَّا الْمَلاَيْكَه عَلَى الْهَادِي
وَأَمَرْنَا سُبْحَانُه نْصَلِّي
بِصَلاَتْنَا بِالْحُبّ نْنَادِي
يَا رَبّ فِي مَقَامُه وْعَلِّي
نَوِّلْنَا مِن وِدُّه شَفَاعَه
لِبَعْض فِي الآخْرَه نْهَنِّي
يَا بَخْت مِن لَبَّاه طَاعَه
زِيد فِي صَلاَتَك يَا مْوَحِّد
قُوم لَبِّي لِلْمَوْلَى وْوَحِّد
صَلِّي عَلَى الْمُخْتَار طَهَ
نُور الوُجُود طَهَ وْأَحْمَد
ــــــــــــــــــــــــــــــــــــــــــــــ
كلمات الشاعر أحمد شاهين
----- مصر -- أسيوط -----
ليست هناك تعليقات:
إرسال تعليق