الحمدلله
لقيت كل الإجابات
وطمنت نفسي
علي نفسي أنا بالذات
كنت زمان وأنا صغير بسأل نفسي وأقول:
ليه محمد علي باشا
الألباني أو قول اليوناني
( تاجر الدخان )
اللي: مش مصري من الأصل
حكم مصر؟
مع العلم .
إن كل كتب التاريخ كانت بتقول:
أنه في هذا الوقت وهذا العصر
بالذات فقط .
كان ممكن اللي:
يحكم مصر يكون مصري .
وليه محمد علي اللي:
مفروض مسلم
إنبهر بفرنسا ( ماديا )
وكان عايز يشوف مصر
( قطعة من أوروبا )
في( كل شئ ) ولو شكليا.
وليه كان بيرسل لفرنسا بعثات
من: خيرة شباب مصر يتعلم منها ( كل الحياة ) دي وبالملي؟
مع إنها دولة مش مسلمة؟
وكنت بقول لنفسي .
هل من الممكن هذه الفرنسا
تقبل تعلم ولادنا الخير وكمان ببلاش؟
وأخيرا
ليه نقيب السادة الأشراف
السيد ( عمر مكرم )
قائد المقاومة الشعبية في الحملة الفرنسية علي مصر
وافق على حكم محمد علي؟
وليه شعب مصر وافق على حاكم ( غير مصري )
ولو كان كل ده جاي بتذكية من:
سيد وإمام كبير من ( آل البيت )
اللي: إتنفى بعد ما إنضحك عليه
وكبرت .
وقريت كتب تاريخية من وجهة نظر إسلامية
وفهمت .
كل إجابات الأسئلة ديه
وليه بلدي منسية
والأرض مش ليا
ولا لعيالي اللي جايه
والقضية؟ أكبر من شوية
بس ياريت إنتم كمان تحاولوا
تعرفوا زي ما أنا عرفت
بس عن شرط .
يكون دليلك وإنت بتجاهد
( جهاد المعرفة )
في: الحياة العلمانية
حديث شريف
أو آيات قرآنية
حربي علي
شاعرالسويس
ليست هناك تعليقات:
إرسال تعليق