إوعاك تهين قلبي في يوم
أو تنسى مرة محبّتُه
ماتحبهوش وقت اللزوم
وتسيبه يعني في أزمته
خلّيك تملّي جانب منه ماتنساهوش
صعب اللي حبك وقت تعبك ماتصونوش
إوعاك في يوم تتخلى عنه ماتسيبوش
لو سِبته جايز يوم تصيبك لعنتُه
إوعاك تهين قلبي في يوم
أو تنسى مرة محبّتُه
نصيحة ليك ماتحمّلوش
فوق طاقته يعني وإكسبُه
ماتعصّبوش وماتظلموش
أو تيجي مرة تتعبُه
حاول كمان تكسب رضاه يعني وعطفه
وماتستّغلّش أزمتُه في وقت ضعفه
خلّيك كمان واقف معاه دايماً في صفه
ياما ناس كتير وقت اللزوم بيهربوا
نصيحة ليك ماتحمّلوش
فوق طاقته يعني وإكسبُه
بقلمي عبدالحميد وهبه
ليست هناك تعليقات:
إرسال تعليق