---------------------------------------
قطر الرجال اتملي
وما عادش فيه مكان
مشي وراح بعيد
وملاء السما دخان
سحابة كبيرة سودة
اصبحنا بعدها نيام
وصحبنا من الغيبوبة
عل الزحمة والخنئان
قولت دي مش بلدنا
قالوا اسكت وشد اللجام
اسكت وما تتكلمش
لا تروح في خبر كان
سألت فين الزعيم
قالوا راح من زمان
قولت طب فين المؤمن
قالوا دي كات ايام
سألت مين قائدنا
قالوا ياعيني نعسان
طيب مين بيحكم بلدنا
قالوا فرعون وهامان
قولت ازاي عايشين
قالوا جوه الحيط
وما عادش صوتنا يبان
بصيت لوش الناس
لقيتة اصفر وتعبان
من الفقر والهموم
المارد بقي همدان
صرخت من جوه قلبي
وقولت يارب رحمان
ياهالك الفرعون
خلصنا من النعسان
ولسه ليك يوم ياظالم
ورب العباد لا يعرف
النسيان
بقلم
احمد محمود
ليست هناك تعليقات:
إرسال تعليق