ــــــــــــــــــــــــــــــــــــــــــــ
قَد إِيه شَيْطَان وِخَايِب
قَد إِيه كِبْرَك جُحُود
لَمَّا تِلْقَى الكُلّ سَاجِد
وِانْتَ تُرْفُض لِلسُّجُود
قَد إِيه إِنْتَ جَبَان
لَمَّا بَذْكُر بَس رَبِّي
عُمْر مَا تْحِسّ بْأَمَان
وِالْخُشُوع سَاكِن فِي قَلْبِي
بَس عَايِش لِلْغِوَايَه
لاَجْل مَا يْخَلِّينِي عَاصِي
زَلُّه لِيَّا أصْبَح هِوَايَه
لاَجْل مَا اغْرَق فِي الْمَعَاصِي
نِفْسُه يِسْحَبْنِي مَعَاه
لِلرَّزِيلَه وِالذُّنُوب
نِفْسُه يِفْسِد لِي الصَّلاَه
نِفْسُه زَيُّه مَا أَتُوب
رَبِّي قَوَّانِي عَلِيه
بِالْمَعُوذَه وِالنَّدَم
سِبْت كُلّ غِوَايْتُه لِيه
جِيت لِرَبِّي بِالقَدَم
قَد إِيه شَيْطَان وِخَايِب
قَد إِيه كِبْرَك جُحُود
لَمَّا تِلْقَى الكُلّ سَاجِد
وِانْتَ تُرْفُض لِلسُّجُود
ــــــــــــــــــــــــــــــــــــــــــــ
كلمات الشاعر أحمد شاهين
------ مصر -- أسيوط ------
ليست هناك تعليقات:
إرسال تعليق