.................
أكتب له أيه
وأقول له أيه مش عارفه مالي
أشكي له من ظلم الليالي وأيه جرالي
وهمس روح ملهوفه ليه تتمنى قربه
أحاسيس غرام وهيام بحور
مشغول بحبه
وقلب زاديت دقته لبعاده عني
يبكي بآهاته من الوجع
وبيشكي مني
سبتيه بعناد وغرور ليه زاد
وإنتي الضحيه
جانيتي ليه على قلب كان أجمل هديه
ده عطر ليله ما يتنسى
كحله فى عينيه
مش قادره على نار البعاد
وإنه مفاريقني
وفى كل حلم أنده عليه
لسه مخاصيمني
هيجي يوم أجري للقاه
مش غصب عني
ندمانه على عمري اللي راح
تاه حضنه مني
كسرت تمثال الأنا وغروري مات
ولا عدش ليا غير صور
بشريط حداد
وقلب دبليت دقته ما الفرح فات
وآه يا ليلي من وجع الذكريات
ودمع عيني ليه هجر ولا قال هبات
سابني لحزن ما شوفتهوش
أوجاعه جات
هقدر يا بكره بين ضلوعي
أدفن العمر اللي مات
ولا هعيش ومش عيش
وبدون رفات
بقلم .. صبري رسلان
ليست هناك تعليقات:
إرسال تعليق