قلم/ نورهان محمد علي
---------------------------
سافرت وغيبت كتير عني
كنت عارفه إنه لازم
وإنك إنت تشق طريقك برضو لازم
كنت بصبر مع دعواتي ليك
كنت كتير بطمن عليك
وأما كنت بسمع صوتك
قلبي كان يحس بيك
وأسأل مالك؟؟؟
وايه بيك؟؟؟
كنت بعرف من نبراتك
وأما تقولي عرفتي منين!!!
كنت أجاوبك إنت إبني إزاي ماحسش بيك
سافرت وغيبت كتير عني
بس النهارده والمره دي
خدت قلبي حته مني وفي بعادك بيناديك
ولا عارفه طريق ليك
حتي صوتك نفسي أسمع منك
ومن نبرات همسك أحسك وأطمن عليك
وأفضل أدلك تعمل إيه........
تاخد مني كنت شاطر عارف قيمة نصيحتي ليك
بس فين دلوقتي ألاقيك
يانبض قلبي وحته مني وإبن قلبي
أعمل إيه في خوفي وقلقي عليك
بدعي ربي دايماً سامع
ببكي دموعي مع دقات قلبي
وكل دمعه ودقه منهم بتدعي ليك
ياااارب إكرمني فيك
إحفظك وإجعل كل خطوة ليك
سلامة وأمان وعين الله تراعيك
والله يطمن قلبي وروحي عليك
ليست هناك تعليقات:
إرسال تعليق