بعد كل السنين
لسه جاية تسأليني
انت مين
انا الشوق و الحنين
انا الضحكة انا الفرحة
انا الدمع و الأنين
انا الحب اللي عمرة
عدي حدود السنين
انا سهر اليالي
وانا الليل الحزين
انا الحضن الحنين
رغم البعد و الأنين
انا كل الذكريات
انا الشوارع والحارات
. أنا البسمة والأهات
قوليلي انتي تبقي مين
اوعي تقولي انك حبيبتي
اللي تاهت غصب عني
وجاية تسأليني انت مين
انتي مش انتي حبيبتي
انتي تشبهي حبيبتي
والحقيقة اني امنت
يخلق من الشبه اربعين
والأربعين انتي شبهم
فيكي كتير من ملامحهم
لكن قلب حبيبتي فين
عرفتي انا مين
ياحب عمري وعشق السنين
حبيبتي تاهت من زمان
وانا العاشق للماضي الجميل
اللي كنتي فيه حبيبتي
قوليلي انتي اللي مين
بقلم
احمد محمود
من ديوان سكة العاشقين
ليست هناك تعليقات:
إرسال تعليق